საქალაქო სასამართლოში „რუსთავი 2“-ის პროცესი 19 ოქტომბერს გაიმართება. დღევანდელ პროცესზე მოსამართლე თამაზ ურთმელიძემ ტელეკომპანიის ადვოკატების სამი შუამდგომლობა არ დააკმაყოფილა.

ერთი შუამდგომლობა შეეხებოდა პროცესის გადადებას. დაცვის მხარე ამის მიზეზად ასახელებდა იმ ფაქტს, რომ სხდომას ტელეკომპანიის გენერალური დირექტორი და იურისტი ვერ დაესწრებოდნენ. დაცვის მხარე ასევე ითხოვდა რომ, საქმე არ გადაცემოდა სასამართლოს არსებითი განხილვისათვის. თამაზ ურთმელიძემ არც ერთი მოთხოვნა არ გაითვალისწინა.

თუმცა დაეთანხმა „რუსთავი 2“-ის ადვოკატების მოთხოვნებს იმ ნაწილში, რომ დაიკითხოს სამხარაულის ეროვნული ბიუროს ექსპერტი.