შსს-ს შემდეგ პროკურატურა - პროკურორი "ნარუშილოვკის" სკანდალში გაეხვა

სამართალი - 21:17, 29 Sep, 2015

2360

პროკურატურის პრესსამსახურის ხელმძღვანელი ნათია სუხიაშვილი, ე.წ "ნარუშილოვკების" სკანდალში, გახვეული პროკურორის საკითხზე აკეთებს კომენტარს.

სუხიაშვილი ირწმუნება, რომ პროკურორ ნათია მეზვრიშვილს აქვს სრული უფლება ისარგებლოს "ნარუშილოვკით", თუმცა აღნიშნული დოკუმენტი მას არასოდეს არ ჰქონია.

"ნათია მეზვრიშვილს, როგორც დეპარტამენტის უფროსს მას სრული უფლება აქვს, რომ ისარგებლოს "ნარუშილოვკით", თუმცა აღნიშნული დოკუმენტი მას არასოდეს არ ჰქონია, შესაბამისად ვერ ისარგებლებდა. მეზვრიშვილზე, ისევე როგორც პროკურატურის სხვა თანამშრომლებზე , რომლებიც სარგებლობენ სამსახურეობრივი ავტომანქანებით, გაცემულია ავტროსატრანსპორტო საშუალებებზე, მინების დამუქებისა და მათი გამოყენების ნებართვა. მეზვრიშვილი ადასტურებს, რომ მას საპატრულო პოლიციის თანამშრომლები ხშირად აჩერებენ, ავტომანქანაზე მინების დამუქების გამო და სთხოვენ ზემოაღნიშნულ ნებართვას და სამსახურეობრივ მოწმობას. ის კადრები, რომელის რუსთავი 2 ზე დილიდან ტრიალებს სწორედ ერთ-ერთი ამ შემთხვევათაგანია". - განაცხადა ნათია სუხიაშვილმა.

"რუსთავი2"-ის ინფორმაციით, ე.წ „ნარუშილოვკების“ სკანდალში შსს-ს შემდეგ, მთავარი პროკურატურა ეხვევა.
ცნობისთვის, ე.წ."ნარუშილოვკა" საიდუმლო დოკუმენტია. ის უშუალოდ მინისტრის ბრძანებით გაიცემა და მისი გამოყენების უფლება მხოლოდ ოპერატიულ მუშაკებს აქვთ. ისიც მაშინ, როცა სპეციალური დავალების შესასრულებლად მიდიან.