არსებული ინფორმაციით, აბაშიძის ქუჩაზე დაჭრილი პირები ბიზნესმენები არიან. როგორც ცნობილია, ახალგაზრდები ავტომობილში იჯდნენ, რა დროსაც გამვლელმა ცეცხლი გაუხსნა.

ერთ-ერთი ახალგაზრდა ფეხის არეში დაიჭრა. იგი საავადმყოფოში სასწრაფო სამედიცინო სამსახურის ბრიგადამ გადაიყვანა. მეორე დაჭრილი კი სამედიცინო დაწესებულებამდე ახლობლებმა მიიყვანეს.

როგორც "ნიუპოსტს" რესპუბლიკურ საავადმყოფოში განუცხადეს, დაჭრილებს მედიასთან ურთიერთობა არ სურთ. აღნიშნულის გამო დაჭრილთა მდგომარეობის შესახებ განცხადებები არ კეთდება.

მომხდართან დაკავშირებით გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.