ლურსმანიშვილები 14 წლის შვილს ერთი კვირაა უშედეგოდ ეძებენ. მოქალაქე დავით ლურსმანიშილმა "ნიუპოსტის" რედაქციაში დარეკა და მისი შვილის, დავით ლურსმანიშვილის დაკარგვის შესახებ გვამცნო. დაკარგულის მამა ამბობს, რომ მოზარდი სახლიდან 29 აგვისტოს გავიდა და მას შემდეგ შინ არ დაბრუნებულა.

ბიჭი ბოლოს, რუსთავში, ინტერნეტკაფეში დაახლობით 23:10 საათზე ნახეს, მან დაწესებულებაში ერთი საათი დაჰყო. დავით ლურსმანიშვილი „ჯეობეთში“ (ინეტრნეტკაფეს დასახელება) მარტო იმყოფებოდა და შენობაც მარტომ დატოვა.

მე-9 კლასის მოსწავლე მშობლებთან და უმცროს ძმასთან ერთად რუსთავში ცხოვრობს. როგორც ლურსმანიშვილები ამბობენ, მოზარდი ხშირად გადიოდა სახლიდან და მეგობართან ერთად რჩებოდა, თუმცა არა ამდენი ხნით.

„29 აგვისტოს დედამისისთვის 1 ლარი გამოურთმევია და რუსთავში ინტერნეტკაფეში წასულა. „ჯეობეთში“ ხშირად დადიოდა. იმ საღამოს სახლში აღარ მოსულა. დათო ადრეც მიდიოდა ხოლმე სახლიდან, თუმცა 2-3 დღეში უკან ბრუნდებოდა, სოფელში, ხარაგაულის რაიონშიც დავრეკე და ყველგან, სადაც შეიძლებოდა, მოვიკითხე, თუმცა, შვილს ვერ მივაგენი. გთხოვთ მაპოვნინეთ" – გვითხრა გოჩა ლურსმანაშვილმა.

დაკარგულის მამის განცხადებით, მოზარდს თან პირადი მობილური არ წაუღია. ამასთან გოჩა ლურსმანიშვილი ოჯახში რაიმე სახის კონფლიქტს გამორიცხავს.

"სახლიდან ადრეც მიდიოდა, თუმცა ეს იმის გამო არ ხდებოდა რომ მას ჩვენთან კონფლიქტი ჰქონდა, უბრალოდ მეგობართან რჩებოდა. ბოლო ორი თვეა კალაპოტში ჩაჯდა და შინ ადრე მოდიოდა" - დასძინა 14 წლის მოზარდის მამამ.

დაკარგულის დედა კი ჩვენთან საუბრისას დავით ლურსმანიშვილის ჩაცმულობას აღწერს:

"29 აგვისტოს ჩემს შვილს შავი პერანგი ეცვა, რომელსაც წინ ლურჯი ზოლები დაჰყვება, ეხურა შავი ფერის ქუდი, ლურჯი შარვალი და ლურჯი კეტები ეცვა",- განუცხადა "ნიუპოსტს" მოზარდის დედამ

დავით ლურსმანიშვილის სამძებრო ღონისძიებებში შინაგან საქმეთა სამინსიტროც ჩაერთო.

შს სამინისტროს პრესსამსახურის ინფორმაციით, სამართლამდაცველები მოზარდს საქართველოს მთელ ტერიტორიაზე ეძებენ.

ფოტოზე გამოსახულია დავით ლურსმანაშვილი, თუ გეცნობათ ან გაგაჩნიათ მოზარდის შესახებ რაიმე სახის ინფორმაცია დარეკეთ ნომერზე: – 595 221436.