სპეცოპერაცია, რომელიც ფონიჭალაში მიმდინარეობდა დასრულებულია. ადგილობრივი მოსახლეები ჟურნალისტებთან სამართალდამცველთა მხრიდან უფლებამოსილების გადამეტებისა და განხორციელებული ძალადობის ფაქტებზე საუბრობენ. ადგილობრივები აცხადებენ, რომ სამართალდამცავებმა მათ სიტყვიერი შეურაცხყოფა მიაყენეს, მათ ეთნიკურ კუთვნილებას გაუსვეს ხაზი და ფიზიკურადაც გაუსწორდნენ. "თქვენი დედა.... თათრები ხართო, ასე მოგვმართეს,"- აცხადებს ერთერთი ადგილობრივი.

შემთხვევის ადგილთან მდებარე სუპერმარკეტში ირწმუნებიან, რომ სამართალდამცავებმა ის კადრები წაშალეს, რომელსაც მომხდარი სრულად უნდა აესახა.

შეგახსენებთ, რომ ფონიჭალაში ცოტა ხნის წინ სამართალდამცველებმა აყვანის ოპერაცია ჩაატარეს, რასაც ადგილობრივებსა და პოლიციას შორის დაპირისპირება მოჰყვა. არსებული ინფორმაციით, დაკავებულია 19 წლის ახალგაზრდა მამაკაცი.