ავტოკატასტროფისას დაშავებული სამი პოლიციელის სიცოცხლეს საფრთხეარ ემუქრება

შემთხვევა - 16:17, 02 Aug, 2015

2475

წუხელ სუფსაში მომხდარი ავტოკატასტროფისას დაშავებული სამი პოლიციელის სიცოცხლეს საფრთხეარ ემუქრება

გავრცელებული ინფორმაციით, დაშავებულ პოლიციელებს დღეს, ქუთაისის კლინიკურ საავადმყოფოში შსს და ჯანდაცვის მინისტრები მოინახულებენ.

ამის შესახებ "გურიის მოამბეს" შსს პრეს სამსახურიდან აცნობეს.

პოლიციელები წუხელსვე ქუთაისის კლინიკურ საავადმყოფოში გადაიყვანეს.

ამათგან ორი მალევე გაეწერა, ერთი პოლიციელი კი რეანიმაციულ განყოფილებაში მოათავსეს.

სამთავე პოლიციელი სუფსის განყოფილების თანამშრომლები არიან.

ავტო კატასტროფა მაშინ მოხდა, როცა მეშვიდე დაშავებული საავამყოფოში გადაჰყავდათ, რა დროსაც სასწრაფო დახმარების ბრიგადა პოლიციის პოლიციის პიკაპს შეეჯახა, შემთხვევის შედეგად მეშვიდე დაშავებულიც გარდაიცვალა. სხეულის მძიმე დაზიანება მიიღეს პიკაპში მჯდომმა პოლიციის სამმა თანამშრომელმა, ასევე სასწრაფო-სამედიცინო დახმარების ექიმებმაც.

სუფსთან, წყალწმინდაზე მომხდარ ავტოსაგზაო შემთხვევას შვიდი ადამიანი ემსხვერპლა. ერთმანეთს მიკროავტობუსი და "მერსედესის" მარკის ავტომანქანა შეეჯახნენ. შემთხვევა დაახლოებით 20:20 წუთზე მოხდა.

შემთხვევის შედეგად მსუბუქი ავტომობილი აალდა. შიგ მყოფი 6 მგზავრი ადგილზე გარდაიცვალა. მათ შორის ორი მცირეწლოვანი იყო.

როგორც ,,ნიუპოსტის" გურიის საგანგებო სიტუაციასთა სამსახურში განუცხადეს, მეშვიდე დაშავებული საავამყოფოში გადაჰყავდათ, რა დროსაც სასწრაფო დახმარების ბრიგადა პოლიციის პიკაპს შეეჯახა, შემთხვევის მეშვიდე დაშავებულიც გარდაიცვალა. დაშავებული არიან თავად ექიმებიც.

როგორც "ნიუპოსტს" შსს-ს პრესსამსახურში განუცხადეს, მომხდართან დაკავშირებით გამოძიება 276-ე მუხლის მეშვიდე ნაწილით მიმდინარეობს, რაც ტრანსპორტის მოძრაობის, უსაფრთხოების ან ექსპლუატაციის წესის დარღვევას ითვალისწინებს, რამაც ორი ან მეტი ადამიანის სიცოცხლის მოსპობა გამოიწვია.