გორთან ცხოველის ნაფეხურის სინჯები აიღეს, ადგილზე გურიელიძეს ელოდებიან

შემთხვევა - 13:19, 20 Jun, 2015

6707

გორის რაიონს სოფელ ზემო რეხში დაფიქსირებული ცხოველის ნაფეხურის სინჯების აღება უკვე მოხდა. საბოლოო პასუხი ჯერ-ჯერობითუცნობია, თუმცა როგორც ,,ნიუპოსტთან“ გამგებლის წარმომადგენელი რამაზ ყაყიტაშვილი ამბობს, დიდი ალბათობით ის ძაღლის ნაფეხური არ არის. მოსახლეობა მაინც ვარაუდობს რომ შესაძლოა მტაცებელი ვეფხვი იყოს. ამ წუთებში გამკაცრებულია სოფელში უსაფრთხოების ზომები და იქ ზოოპარკის დირქტორს ზურაბ გურიელიძეს ელოდებიან.

ცოტა ხნის წინ ,,ნუპოსტისთვის“ ცნობილი გახდა, რომ სტიქიური უბედურიების დროს ზოოპარკიდან გაქცეული მტაცებელი გორის რაიონს სოფელ ზემო რეხში ადგილობრივებმა შენიშნეს. მათ ამის შესახებ გამგებლის წარმომადგენელს აცნობეს, რომელმაც სამაშველო სამსახურის თანამშრომლები გამოიძარა. ამ წუთებში მაშველები სოფლის ტერიტორიაზე ვეფხვს ეძებენ. ფაქტი ,,ნიუპოსტს“ გამგეობის პრესამსახურშიც დაუდასტურეს.

მტაცებელი შუა ხნის ქალბატონმა და მამაკაცმა შენიშნა, ისინი ამბობენ, რომ მტაცებელი საქონლს უახლოვდებოდა, რომელიც საძოვარზე ჰყავდათ გაშვებული.

მათი თქმით, დიდი ზომის ნაფეხურებიც შეინიშნება. მოსახლეობა ამობს, რომ თუ ეს ვეფხვია არ აღმოჩნდა, მაშინ საკმაოდ დიდი ზომის მტაცებელია, რომელიც ასევე საშიშროებას წარმოადგენს.