ვის ეკუთვნის მთაწმინდაზე ნაპოვნი ნახევრადშეჭმული ცხედარი - ქავთარაშვილების ოჯახი დახმარებას ითხოვს

შემთხვევა - 15:04, 12 Jun, 2015

28179

ნინო ქავთარაშვილი თითქმის ერთი წელია საკუთარ ძმას ეძებს. ის „ნიუპოსტის“ რედაქციას დაუკავშირდა და მისი ძმის მოძებნაში დახმარება ითხოვა.

ნინო ქავთარაშვილის თქმით, მისი ძმა 2014 წლის 30 სექტემბერს გაუჩინარდა. ივანე ქავთარაშვილი ცხვარში მწყემსად იყო წასული ყაზბეგის რაიონის სოფელ უხათში. მისი მეწყვილე მწყემსის განცხადებით ივანე ქავთარაშვილი მეცხვარეთა სადგომიდან ღამით გავიდა და დილით გაღვიძებულს უკვე აღარ დახვდა, მისი თქმით ქავთარაშვილი ნასვამი იყო და არეულად ლაპარაკობდა. როგორც დაკარგული მამაკაცის და აცხადებს, მისი ძმა მშვიდი ადამიანი იყო და კონფლიქტურობით არ გამოირჩეოდა.

ნინო ქავთარაშვილის თქმით, სამართალდამცავები და მაშველები იმ ტერიტორიაზე სადაც ივანე ქავთარაშვილი გაუჩინარდა 10 დღის განმავლობაში მუშაობდნენ, მაგრამ კვალს ვერც ხმელეთზე და ვერც მდინარეში ვერ მიაკვლიეს.

მას შემდეგ რაც მთაწმინდის პარკის ტერიტორიაზე მამაკაცის ცხედარს მიაკვლიეს, რომელიც გვამურ მდგომარეობაში დიდი ხანი იმყოფებოდა და ცხოველისგან მისი სხეული ნახევრად შეჭმული იყო. ოჯახი ამ ინფორმაციით დაინტერესდა, მათი თქმით არ არის გამორიცხული, რომ ნასვამი ქავთარაშვილი შესაძლოა დედაქალაქში ჩამოვიდა, თუმცა ამ დროისთვის აღნიშნული ცხედარის იდენტიფიკაცია არ მომხდარა, შესაბამისად შეუძლებელია იმის თქმა ეკუთვნის თუ არა ის ქავთარაშვილს.

ივანე ქავთარაშვილის და ნინო ქავთარაშვილი საზოგადოებისგან დახმარებას ითხოვს და იმ ადამიანებს, რომლებსაც რაიმე ინფორმაცია გააჩნიათ ივანე ქავთარაშვილის შესახებ დაკავშირებას თხოვს. ნინო ქავთარაშვილის ნომერია 598 454 240