არასრულწლოვან გოგონასთან სქესობრივი კავშირის გამო დუშეთში 22 წლის ახალგაზრდა დააკავეს. ამის შესახებ გაზეთი „კვირის პალიტრა“ წერს.

მათი ინფორმაციით, გოგონას, რომელიც დუშეთის საოჯახო ტიპის დაწესებულების ბენეფიციარია, ამავე სოფლის მკვიდრ 22 წლის ახალგაზრდასთან ერთი წლის განმავლობაში ჰქონია სქესობრივი კავშირი. შემთხვევა 23 მაისს, მას შემდეგ გახმაურდა,­ რაც გოგონას ტელეფონში ძმამ ინტიმური შინაარსის გზავნილი წაიკითხა და დას სცემა. გოგონამ სიმართლე ვეღარ დამალა და აღმზრდელებს გზავნილების ადრესატისა და მასთან ურთიერთობის ინტიმური დეტალების შესახებ უამბო. ბრალდებული დააკავეს და წინასწარი პატიმრობა შეუფარდეს...

„ამბობენ, რომ ის ბიჭი დუშეთის ბავშვთა სახლში გაიზარდა. სრულწლოვანი რომ გამხდარა, ძმასთან ერთად დუშეთში სახლი უქირავებია და იქ ცხოვრობდა. არასრულწლოვანი გოგონა კი მაღალმთიანი რაიონიდან, მრავალშვილიანი ოჯახიდან ყოფილა. მშობლები დაშორებულან. მამა რამდენიმე წლის წინ გარდასცლია. ამბობენ, გოგონას დედამ ყველა შვილი ბავშვთა სახლებში გაზარდაო. დედას შვილებთან რომ ეცხოვრა, სახელმწიფომ სახლიც უყიდა და პირუტყვიც. მერე შვილები შინ წაუყვანია, მაგრამ რატომღაც ბავშვები ისევ სახელმწიფო მზრუნველობის ქვეშ აღმოჩნდნენ. გოგონა ერთ-ერთ ძმასთან ერთად­ დუშეთში, საოჯახო ტიპის დაწესებულებაში ცხოვრობდა“ - ამბობს გამოცემასთან საუბრისას ერთ-ერთ ადგილობრივი.

ერთ-ერთი ადგილობრივი ალეკო ჟამუკაშვილი კი ამბობს რომ ამ თემაზე საუბარი აუკრძალეს.

„საიდან იცით? ეს დახურული ინფორმაციაა. აგვიკრძალეს, კრინტი არავისთან დაძრათო. ჩვენ ისეთი ამბები გადავიტანეთ, სიტყვას ვერ დავძრავ. ახსნა-განმარტებები გვაწერინეს...“, - ამბობს ადგილობრივი.

წყარო: გაზეთი "კვირის პალიტრა"