თბილისში სასწრაფო-სამედიცინო დახმარების მანქანის მძღოლს ფიზიკური შეურაცხყოფა მიაყენეს. ინფორმაცია „ნიუპოსტს“სასწრაფო-სამედიცინო დახმარების პრესსამსახურში განუცხადეს.

როგორც ცნობილია, შემთხვევა იმ დროს მოხდა, როდესაც ბრიგადა გამოძახებაზე მივიდა. მათ მისამართზე მამაკაცი დახვდათ, რომელსაც ქვა ეჭირა ხელში. მან ჯერ სიტყვიერი შეურაცხყოფა მიაყენა სასწრაფო დახმარების წევრებს, შემდეგ კი - ფიზიკური.

მომხდარზე დაწყებულია გამოძიება. მამაკაცი დაკავებულია.

შეგახსენებთ, ბოლო ერთი თვის განმავლობაში უკვე მესამე შემთხვევა, როდესაც სასწრაფო დახმარების ბრიგადას ფიზიკურ შეურაცხყოფას აყენებენ.