ექსკლუზივი: 16 წლის ბიჭს თავი არ მოუკლავს - დედის თვალწინ მომხდარი ტრაგედიის დეტალები

შემთხვევა - 23:18, 10 May, 2015

26976

2015 წლის 7 მაისს მტკვრის მარცხენა სანაპიროზე ტრაგედია დატირალდა. გავრცელდა ინფორმაცია, რომ 16 წლის ბიჭი საცხოვრებელი კორპუსის მეექვსე სართულიდან გადმოხტა.

ბიჭის თვითმკვლელობის მიზეზის შესახებ არაერთი ვერსია გავრცელდა, რაზეც ოჯახის ახლობლები წუხილს გამოხატავენ და ამბობენ, რომ ბავშვს თავი არ მოუკლავს.

,,ნიუპოსტი“ 16 წლის მალხაზის მეგობრებს და ოჯახის ახლობლებს ესაუბრა. ირკვევა, რომ მოზარდის გარდაცვალება უბედური შემთხვევა იყო და არა თვითმკვლელობა, რაც სამწუხაროდ დედის თვალწინ მოხდა. მიზეზი მეექვსე სართულის სადარბაზოში ე.წ. კასტილის აცურება იყო, რამაც ბიჭის გადმოვარდნა გამოიწვია. დედამ შვილი, ტანსაცმლის მეშვეობით იცნო.

როგორც ირკვევა, ტრაგედიის დღეს მალხაზი დედამ თავად მიიყვანა ინგლისური ენის მასწავლებელთან. ,,პედაგოგთან სიარული ყოველთვის ეზარებოდა. როდესაც ის მეექვსე სართულზე ავიდა, ზემოდან დედას ათვალიერებდა, იყო თუ არა წასული, რომ მასწავლებლიდან ჩუმად გამოპარულიყო. ფეხი ჰქონდა ნატკენი და კასტილებით იყო, მაშინ როცა დედას უყურებდა, კასტილი აუცურდა და ბავშვი გადმოვარდა. დედა ჯერ არ იყო წასული. ტანსაცმლით მიხვდა, რომ ეს მისი შვილი იყო...“ - ჰყვება ,,ნიუპოსტთან“ ოჯახის ახლობელი.

მომხდართან დაკავშირებით, შინაგან საქმეთა სამინისტრომ გამოძიება 115-ე, თვითმკვლელობამდე მიყვანის მუხლით დაიწყო.