ქობულეთში დაღუპული ბავშვების ინდენტიფიცირება ვერ მოხერხდა - მოზარდების გადმოსვენებისას ინციდენტი მოხდა

შემთხვევა - 18:10, 10 May, 2015

10974

ქობულეთში ხანძრის დროს, ძლიერი დამწვრობის გამო, დაღუპული ბავშვების ცხედრების ამოცნობა ბათუმის ექსპერტიზის ბიუროში ამ დრომდე ვერ მოხერხდა. გარდაცვლილები რუსთავის ექსპერტიზის ბიუროში გადაჰყავთ. ადგილზე ინციდენტი მოხდა, გარდაცვლილი მოზარდების მშობლები ითხოვნენ რეანომობილით ცხედრებთან ერთად რუსთავში გამგზავრების უფლება მათთვისაც მიეცათ, თუმცა უარი მიიღეს. გარდაცვლილის მშობლები დაღუპული შვილების ცხედრის ნახვას ითხოვდნენ, ისინი სასწრაფო-სამედიცინო მანქანებს წინ გადაუდგნენ. ერთ-ერთი გარდაცვლილის მამა და მამიდამ მანქანის საბურავში ჩავარდნა სცადა. სასწრაფო დახმარების მანქანები დაცვის პოლიციის მეშვეობით გადაიყვანეს.

აჭარის ჯანდაცვის მინისტრის მოადგილის ლევან ბოლქვაძის თქმით, ძლიერი დამწვრობების გამო, ცხედრების იდენტიფიცირება ვერ მოხერხდა, რის გამოც, გარდაცვლილების მშობლებს დნმ-ის ანალიზი აუღეს.

ლევან ბოლქვაძის განმარტებით, დნმ-ის ანალიზების პასუხებამდე ცხედრები რუსთავის ექსპერტიზის ბიუროში იქნებიან დასვენებული.

"იდენტიფიკაციის მიზნით, აღებული იქნა დნმ-ისთვის მასალა მშობლებიდან და გარდაცვლილებიდან, გაიგზავნა თბილისში, სადაც ჩატარდება შესაბამისი სამუშაოები და ბავშვების იდენტიფიკაცია. ცხედრებს გადაასვენებენ რუსთავის ექსპერტიზის ბიუროში და დნმ-ის ანალიზის პასუხების შემდეგ მიასვენებენ ოჯახებში", - აღნიშნა ლევან ბოლქვაძემ.