,,გარეთ რომ არ ყოფილიყვნენ, ყველა ამოვიწვებოდით“ - ქორეოგრაფი სასტუმროს მფლობელის ბრალდებას უარყოფს

შემთხვევა - 17:32, 10 May, 2015

14719

ქობულეთში სასტუმრო ,,არმაზის“ მფლობელის, შერმადინ ართმელიძის ბრალდებას უარყოფს, ანსამბლის ქორეოგრაფი გოგი მარღანია.

მისი თქმით, ბავშვები არ ყოფილან ოთახში ჩაკეტილი. ,,ერთ-ერთის და, 28 წლის გოგო, იყო ბავშვების ოთახში, და გამოვიდა გარეთ და ისინი რომ გარეთ არ ყოფილიყვნენ გამოსული, აქ ჩვენ ყველა ამოვიწვებოდით. ვვარაუდობთ, რომ კონდიციონერს ჰქონდა პრობლემა. 11 წლის ბავშვები იყვნენ და სიგარეტი და მსგავსი რამ გამორიცხულია...“ - აცხადებს ქორეოგრაფი.

ქობულეთში ე.წ. ,,ჰასანას სასტუმროს“ მფლობელი აცხადებს, რომ ანსამბლის ხელმძღვანელები სვამდნენ და ბავშვები ოთახში იყვნენ ჩაკეთილი, რის გამოც მათი გამოყვანა დროულად ვერ მოხერხდა.

ქობულეთში, სასტუმრო ”არმაზში” გაჩენილმა ხანძარმა სამი არასრულწლოვანის სიცოცხლე იმსხვერპლა.

მოზარდები ბათუმში, კონცერტის გასამართად რუსთავიდან ჩავიდნენ და ქობულეთში სასტუმრო არმაზში იყვნენ დაბინავებულები.

ტრაგედიის გამომწვევი ზუსტი მიზეზი ამ დრომდე უცნობია, თუმცა ერთ-ერთი ვერსიით ოთახში კონდიციონერი იყო ჩართული, რის შედეგადაც ხანძარი გაჩნდა.

პოლიციელებმა და მაშველებმა ერთობლივად, ცეცხლწაკიდებული შენობიდან 45 ადამიანი გამოყვანა შეძლეს, მათ შორის 31 ბავშვი იყო და სასტუმროში მომუშავე ადამიანები. ხანძრმა სამი ბავშის 10, 11 და 12 წლის სკოლის მოსწავლეების სიცოცხლე იმსხვერპლა.

გამოძიება სისხლის სამართლის კოდექსის 187-ე მუხლის მეოთხე ნაწილით მიმდინარეობს, რაც ნივთის დაზიანებას ან განადგურებას ნიშნავს: „რამაც გაუფრთხილებლობით გამოიწვია ორი ან მეტი ადამიანის სიცოცხლის მოსპობა, - თავისუფლების აღკვეთით ვადით ცხრიდან თორმეტ წლამდე.“