„ანსამბლის ხელმძღვანელები სვამდნენ და ბავშვები ჩაკეტილები იყვნენ,“- ქობულეთის სასტუმროს მფლობელი

შემთხვევა - 17:27, 10 May, 2015

12051

ქობულეთში ე.წ. ,,ჰასანას სასტუმროს“ მფლობელი აცხადებს, რომ ანსამბლის ხელმძღვანელები სვამდნენ და ბავშვები ოთახში იყვნენ ჩაკეთილი, რის გამოც მათი გამოყვანა დროულად ვერ მოხერხდა.

„კონდიციონერი ათას შვიდასი ლარი ღირს ის ირთვება და ითიშება თავისით. ვინ ჩაკეტა ბავშვები. გამთენიის 05:00 საათამდე ეს ქალი და სხვებიც ისხდნენ ქვევით და სვამდნენ. მე ხომ არ მივაქცევდი მათ ბავშვებს ყურადღებას. თქვენც ხომ ნახეთ ნასვამები იყვნენ. უნდა გაირკვეს ვინ და რატომ ჩაკეტეს ბავშვები,“- აცხადებს ჟუნრალისტებთან საუბრისას სასტუმროს მფლობელი შერმადინ ართმელაძე.

ქობულეთში, სასტუმრო ”არმაზში” გაჩენილმა ხანძარმა სამი არასრულწლოვანის სიცოცხლე იმსხვერპლა.

მოზარდები ბათუმში, კონცერტის გასამართად რუსთავიდან ჩავიდნენ და ქობულეთში სასტუმრო არმაზში იყვნენ დაბინავებულები.

ტრაგედიის გამომწვევი ზუსტი მიზეზი ამ დრომდე უცნობია, თუმცა ერთ-ერთი ვერსიით ოთახში კონდიციონერი იყო ჩართული, რის შედეგადაც ხანძარი გაჩნდა.

პოლიციელებმა და მაშველებმა ერთობლივად, ცეცხლწაკიდებული შენობიდან 45 ადამიანი გამოყვანა შეძლეს, მათ შორის 31 ბავშვი იყო და სასტუმროში მომუშავე ადამიანები. ხანძრმა სამი ბავშის 10, 11 და 12 წლის სკოლის მოსწავლეების სიცოცხლე იმსხვერპლა.

გამოძიება სისხლის სამართლის კოდექსის 187-ე მუხლის მეოთხე ნაწილით მიმდინარეობს, რაც ნივთის დაზიანებას ან განადგურებას ნიშნავს: „რამაც გაუფრთხილებლობით გამოიწვია ორი ან მეტი ადამიანის სიცოცხლის მოსპობა, - თავისუფლების აღკვეთით ვადით ცხრიდან თორმეტ წლამდე.“