,,დამიბრუნეთ ჩემი მიცვალებული, როგორიც იყო!“ - ხმაური ლანჩხუთში და ლელო ნასვამი მონაწილეებით (ფოტო)

შემთხვევა - 21:09, 12 Apr, 2015

13691

ლანჩხუთის ,,მეგალფას“ კლინიკაში ხმაური იყო. ,,ნიუპოსტის“ კორესპონდენტის ცნობით, ლანჩხუთში ლელოს დროს გარდაცვლილის ახლობლები მის პროზექტურაში გადაყვანას აპროტესტებდნენ.

,,დამიბრუნეთ ჩემი მიცვალებული როგორიც იყო! რაში სჭირდება გაჭრა, როცა გული გაუჩერდა ლელოზე. მანახეთ უფროსი სანამ დაასახიჩრებენ გარდაცვლილს. პოლიციამ მომატყუა, სახლში გამიშვა“ - აცხადებდა დღეს ლელოზე გარდაცვლილი გოჩა ფირცხალაიშვილის ახლობელი.

ლელოს უშუალო მონაწილეები თამაშის შესახებ ჰყვებიან. მათი თქმით, წლევანდელი ლელო ყველაზე მეტად გამოირჩოდა არაორგანიზებულობით. მონაწილეები ამბობენ, რომ ლელოს ისტორიაში პირველი შემთხვევაა, როცა მას ქვეყნის ხელისუფლების ოფიციალური პირები არ დასწრებიან, გარდა ამისა, როგორ მონაწილე აცხადებს, ლანჩხუთში ლელოს თამაშში, ამდენი ნასვამი მონაწილე არავის ახსოვს. ,,ეს იყო პირველი ლელო, რომელიც მსხვერპლით დასრულდა, 4 ადამიანი დაშავდა და ისინიც საავადმყოფოში გადაიყვანეს. არ ვიცი რამდენი ადამინი მოექცა ჩვენს ზემოთ. სულს ვერარ ვითქვამდით, მაგრამ როგორღაც მოავხერხეთ გამოსვლა“ - ჰყვება ლელოს მონაწილე.

მოგვიანებით კომენტარი გააკეთა ლანჩხუთის გამგებლის მოადგილემ. ვახტანგ ზენაიშვილი აცხადებს, რომ გარდაცვლილი იყო ნაინფაქტარი, მისი თქმით, ურჩიეს რომ მონაწილეობა არ მიეღო, ,,თუმცა ეს პირადი გადასაწყვეტია და ვერ ჩაერევი. ჩვენი მხრიდან გარდაცვლილის ოჯახს ყველანაირ დახმარებას გავუწევთ" - აცხადებს ზენაიშვილი.

,,ნიუპოსტის“ ინფორმაცით სქმეზე გამოძიება დაწყებულია, 116-ე მუხლის პირველი ნაწილით.

თეა იოსელიანი, გურია