თავდასხმა სენაკში - შეიარაღებულმა პირებმა მიკროავტობუსი დააყაჩაღეს

შემთხვევა - 20:54, 08 Apr, 2015

4699

სენაკი-მენჯის მონაკვეთზე მიკოავტობუსი დააყაჩაღეს. ,,ნიუპოსტის“ ინფორმაციით, რამდენიმე შეიარაღებული თავდამსხმელი მგზავრებს რკინიგზის ლიანდაგის გადაკვეთისთანავე დახვდნენ. იარაღის მუქარით მძოლს მიკროავტობუსი გააჩერებინეს, მგზავრები ჩამოიყავნეს და მათ პირადი ნივთები და ფული წაართვეს. ,,ნიუპოსტის“ ინფორმაციით, დაქირავებული მიკროავტობუსით მგზავრები სავაჭროდ სენაკიდან თურქეთის მიმართულებით მიდიოდნენ. შეიარაღებული პირები იმ დროს დახვდნენ, როცა მათ რკინიგზის ლიანდაგ გადაკვეთეს. იარაღის მუქარით მძღოლი აიძულეს მანქანა გაეჩერებინა. მგზავრები გადმოიყვანეს და პირადი ნივთები და თანხა წაართვეს.

მგზავრების ინფორმაციით, ყაჩაღებს შორიახლოს ავტომანქანა ელოდებოდათ, რისი მეშვეობითაც ისინი შემთხვევის ადგილიდან მიიმალნენ.

ყაჩაღობის ფაქტს ადასტურებს შს სამინისტრო. როგორც ,,ნიუპოსტს“უწყების პრესცენტრში განუცხადეს, მიკროავტობუსს მგზავრები არ გადაჰყავდა და ის კერძო პირის საკუთრებაა. სამინისტროს ცნობით მძღოლს მხოლოდ ერთი პირი ახლდა. შსს-ს განმარტებით, საქმე აღძრულია სისხლის სამართლის კოდექსის 179-ე მუხლით, რაც ყაჩაღობას გულისხმობს.