რუსთავში 77 წლის მამაკაცი დანით დაჭრეს. „კურიერის“ ინფორმაციით დაზარალებული სახლში მარტო იმყოფებოდა და მას თავს, სავარაუდოდ, სამი პირი დაესხა. ოჯახის წევრების განცხადებით დამნაშავეებმა მცირე ოდენობის თანხის წაღება შეძლეს. დაზარალებულს ოპერაცია რუსთავის ცენტრალურ საავადმყოფოში ჩაუტარდა. ექიმების ინფორმაციით, ის ერთი დღე რეანიმაციაში იმყოფებოდა, ახლა კი, მამაკაცის მდგომარეობა სტაბილურია.

შსს-ს განცხადებით, გამოძიება სსკ-ის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.