გურჯაანში საპატრულო პოლიციის თანამშრომლები სცემეს. ინფორმაციას კახეთის საინფორმაციო ცენტრი ავრცელებს.

არსებული ინფორმაციით, ინციდენტი იმ დროს მოხდა, როდესაც სამარათალდამცველებმა ერთ-ერთი ავტომობილი გააჩერეს.

პოლიციელმა განუმარტა, რომ გაჩერების მიზეზი ღვედის გარეშე სიარული და ტელეფონზე საუბარი გახდა, რაც მოქალაქემ უარყო.

ამის შემდეგ სამართალდამცველებმა ჯარიმის გამოწერა დაიწყეს, რასაც მძღოლის გაღიზიანება მოჰყვა. საპატრულო პოლიციის თანამშრომლებმა მისი დაკაება სცადეს, რა დროსაც მოქალაქე მათ ფიზიკურად გაუსწორდა.

"ნიუპოსტი" მომხდართან დაკავშირებით შინაგან საქმეთა სამინისტროს დაუკავშირდა. უწყებაში საპატრულო პოლიციის თანამშრომლების ცემის ფაქტს არ ადასტურებენ.