შემთხვევა, დაბა ჩოხატაურში კაფე-ბარ "ნიკალაში" რამდენიმე დღის წინ მოხდა.
როგორც "ნიუპოსტთან” საუბარში კაფე-ბარის ერთ-ერთმა თანამშრომელმა განაცხადა, რუსთავში მცხოვრებმა ახალგაზრდებმა, რომლებიც ჩოხატაურში სტუმრად იმყოფებობდნენ, კაფე-ბარის მეპატრონეს ფიზიკური და სიტყვიერი შეურაცყოფა მიაყენეს.
წინასწარი ინფორმაციით, ახალგაზრდებსა და კვების ობიექტის მეპატრონეს შორის დაპირისპირების მიზეზი მწვადის შეწვა გახდა. დაშავებული მამაკაცი ჩოხატაურის სამედიცინო ცენტრში გადაიყვანეს და მის სიცოცხლეს საფრთხე არ ემუქრება.
"ეს მწვადი გაყინული ხორცისგან არის შემწვარი და კარგი ხარისხის ხორცი რატომ არ მოგვიტანეთ ამაზე ატეხეს ჩხუბი”, – აცხადებს კაფე-ბარის ერთ-ერთი თანამშრომელი.
როგორც "ნიუპოსტს” შინაგან საქმეთა სამინისტროს პრესცენტრიდან აცნობეს, მომხდართან დაკავშორებით ორი პირია დაკავებული დასაქმე 239 მუხლის მეორე ნაწილით, ჯგუფური ხულიგნობის მუხლით აღიძრა.
მასალის გამოყენების პირობები






