რუსთავში მომხდარ უბედურ შემთხვევას ერთი ადამიანის სიცოცხლე ემსხვერპლა. გუშინ საღამოს ორ მამაკაცს, რომლებიც საკანალიზაციო ჭაში სარემონტო სამუშაოებს აწარმოებდნენ, ავტომობილმა გადაუარა.

27 წლის მამაკაცი, რომელიც ჭაში ნაწილობრივ იყო ჩასული, შემთხვევის შედეგად ადგილზე გარდაიცვალა. ხოლო მეორე მამაკაცი, რომელიც მას ეხმარებოდა, დაშავებულია. ის ამ დროისთვის სამედიცინო დაწესებულებაშია გადაყვანილი. მძღოლი ადგილიდან მიიმალა.

როგორც „ნიუპოსტს“ შინაგან საქმეთა სამინისტროში განუცხადეს, მომხდარზე გამოძიება 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.