ხაშურთან ახლოს, აგარა-გომის მონაკვეთზე ავტოსაგზაო შემთხვევის შედეგად სამი ადამიანი გარდაიცვალა. ინფორმაცია "ნიუპოსტს" შინაგან საქმეთა სამინისტროში დაუდასტურეს.

არსებული ინფორმაციით, მიკროავტობუსი გზის სავალი ნაწილიდან გადავიდა, ბოძს შეეჯახა, რის შემდეგაც ამოტრიალდა. არიან დაშავებულებიც, რომლებიც სამედიცინო დაწესებულებაში არიან გადაყვანილი.

როგორც ცნობილია, გარდაცვლილია დედა და ორ მცირეწლოვანი ბავშვი. ადგილზე სამართალდამცველები მუშაობენ.

მომხდართან დაკავშირებით გამოძიება 276-ე მუხლის მეშვიდე ნაწილით მიმდინარეობს, რაც გულისხმობს ტრანსპორტის მოძრაობის, უსაფრთხოების ან ექსპლუატაციის წესის დარღვევას ითვალისწინებს, რამაც ორი ან მეტი ადამიანის სიცოცხლის მოსპობა გამოიწვია.