ზუგდიდის რაიონის სოფელ ახალსოფელში მამაკაცის ცხედარი იპოვეს. გარდაცვლილი ჭითაწყალის მკვიდრია, ის გალიდან დევნილი იყო.

32 წლის მამაკაცის ცხედარი თანასოფლელებმა იმ დროს იპოვეს, როდესაც ისინი საქონლის საძებრად იყვნენ გამოსული.

მათი ინფორმაციით, გარდაცვლილის ცხედარს ფიზიკური ძალადობის კვალი აღენიშნება და რამდენიმე ადგილას ცივი იარაღით ჭრილობა აქვს მიყენებული. ისინი ვარაუდობენ, რომ მამაკცი მოკლეს. გარვცელებული ინფორმაციით, მკვლელობა საქმის გარჩევის დროს მოხდა, მკვლელი კი გალის რაიონის სოფელ ოტობაიაში იმალება.

დამატებითი დეტალები ამ დროისთვის უცნობია.

როგორც "ნიუპოსტს" შინაგან საქმეთა სამინისტროში განუცხადეს, მომხდართან დაკავშირებით გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს. უწყების ინფორმაციით, დანიშნული ექსპერტიზა, რაც გარდაცვალების მიზეზებს დაადგენს.