რამდენიმე დღის წინ, ოზურგეთში, იოანე პეტრიწის ქუჩაზე, 12 სართულიან ბინების პირველ სართულზე მდებარე სილამაზის სალონი გაქურდეს.

როგორც მომსახურე პერსონალი გვეუბნება, გატეხილი იყო სალონში შესასვლელი გვერდითა კარები, საიდანაც ქურდების მიერ წაღებული იქნა 2000 ლარამდე ღირებულების ხელსაწყოები: ფენები, მაკრატლები,თმის საღებავები და დენის გამაძიერებელი მოწყობილობა.„როგორც კი მოვედით სალონში და დაგვხვდა გატეხილი, დავუკავშირდით პოლიციას და ადგილზევე მოხდა ზარალის აღწერა. წაღებულია: 3 პროფესიონალური ფენი, თითოს ღირებულება 170 ლარია, კვარცის აპარატ-სტერილიზატორი- ღირებულება 180 ლარი, 5 მაკრატელი-ღირებულება დაახლოებით 500 ლარი, 30-მდე „ფარმავიტას“ საღებავი, თითოეულის ღირებულება 10 ლარი, თმის უთო და თმის დასახვევი აპარატი, ღირებულება დაახლოებით 250 ლარი, დენის ქარხნული გამაძლიერებელი, ღირებულება 80 ლარი,“ _ გვითხრა სალონის მეპარტონემ, როზა ვარიკიანმა.

შსს-ს პრესსამსახურში აცხადებენ, რომ მომხდარზე მიმდინარეობს გამოძიება 177 მუხლით, თუმცა მეპატრონისგან განსხვავებით აცხადებენ, რომ ზარალი მხოლოდ 200 ლარია.