ჩხოროწყუს რაიონის სოფელ მუხურში „ლიბერთი ბანკის“ ფილიალი გაქურდეს. მძარცველები შენობაში გვიან ღამით შევიდნენ. მათ ბანკიდან სეიფი წაიღეს, სადაც გავრცელებული ინფორმაციით, პესიონერებისათვის და სოციალურად დაუცველთათვის გასაცემი თანხა ინახებოდა.

როგორც ცნობილია, ბანკის ფილიალი და პოლიცია ერთი და იგივე შენობაშია განთავსებული. არსებული ინფორმაციით, ძარცვის დროს შენობაში 4 პოლიციელი იმყოფებოდა.

როგორც "ნიუპოსტს" შინაგან საქმეთა სამინიტროში განუცხადეს, ბანკიდან წაღებულია 93 ლარი. მომხდართან დაკავშირებით გამოძიება 177-ე, ქურდობის მუხლით მიმდინარეობს.