ლანჩხუთის ახლომდებარე ტყეში ხანძარია. აგარაკის მოსახლეობა "გურიის მოამბესთან" , სოფელში ჩამოწოლილ კვამლზე საუბრობს და აცხადებს რომ კვამლი განსაკუთრებით ამ ღამით გახდა გაუსაძლისი. მოსახლეობა შესაბამისი სტრუქტურებისაგან რეაგირებას ითხოვს.

ლანჩხუთის სახანძრო სამსახურში აცხადებენ, რომ აგარაკის მიმდებარე ტყეებში, ხანძარი, გუშინ დილით ჩააქრეს, თუმცა, მათივე თქმით, შესაძლოა დარჩენილი კერები ისევ გაღვივდა, მაგრამ ადგილი მიუვალია და თუ არ ირიჟრაჟა, ამ კერების ლიკვიდაცია, მეხანძრეების ვარაუდით, შეუძლებელია.

როგორც ამ სამსახურში აცხადებენ, დარჩენილი ხანძრის კერების ლიკვიდაცია ხვალ, ადრე დილიდან დაიწყება.

თეა იოსელიანი-გურია

ფოტო არ აღნიშნავს კონკრეტულ ფაქტს