ვარიანელ მამაოს ძვირადღირებული ავტომობილი დაუზიანეს

შემთხვევა - 01:00, 09 Jan, 2015

6136

გორის მუნიციპალიტეტის სოფელ ვარიანში, სასულიერო პირს მამა გრიგოლ (გოგიჩაძეს) ავტომობილი დაუზიანეს. მანქანას ბლაგვი საგნით ჩამსხვრეული აქვს მინები. აღნიშნულის შესახებ „ნიუპოსტს“ ადგილობრივებმა აცნობეს. როგორც ირკვევა შემთხვევა დღეს საღამოს საათებში მოხდა. ჯერჯერობით უცნობია თუ ვინ დააზიანა სასულიერო პირის ძვირადღირებული ავტომობილი. მომხდართან დაკავშირებით დაწყებულია გამოძიება. აღსანიშნავია ისიც, რომ 2013 წლის მაისის თვეში მამა გრიგოლის სახლი, გაურკვეველ ვითარებაში დაიწვა, მაშინ მამაო აცხადებდა, რომ მის სახლს ცეცხლი მიზანმიმართულად გაუჩინეს. მამაო მაღალი იერარქიის სასულიერო პირების მხრიდან მაშინ ზეწოლაზე საუბრობდა. "ეს პირველი შემთხვევა არ გახლავთ. ორი წლის წინ სხვა სათავსოებიც გადამიწვეს. ეს ყველაფერი კი, ჩემთან დაპირისპირებული მხარიდან არის ორგანიზებული. ამ ყველაფრის უკან სამთავისისა და გორის ეპარქიის მიტროპოლიტი მეუფე ანდრია დგას, რომელიც "ნაციონალებს" მფარველობდა. მე რამდენჯერმე ვამხილე და მის წინააღმდეგ გამოვედი, ეს ყველაფერი ამის შედეგია", - ამბობდა მამა გრიგოლმა. თემასთან დაკავშირებით „ნიუპოსტი“ ხვალ ვრცელ სტატიას და ფოტომასალას შემოგთავაზებთ.

გიორგი ახალკაცი „ნიუპოსტი“ შიდა ქართლი.