51 წლის ქართველი ქალი იტალიაში ჭაში დამხრჩვალი იპოვეს

შემთხვევა - 17:58, 05 Jan, 2015

5057

იტალიაში, ტოსკანის რეგიონში აღმოჩენილი გარდაცვლილი ქალის ცხედარი შესაძლოა, საქართველოს მოქალაქე ლალი ნამჩევაძეს ეკუთვნოდეს.

ამჟამად ცხედრის იდენტიფიცირების პროცედურები მიმდინარეობს, რის შემდეგაც გაირკვევა, არის თუ არა ის გასულ წელს გაუჩინარებული ნამჩევაძე, რომელიც 2014 წლის 12 თებერვლის შემდეგ უგზო-უკვლოდ დაკარგულად ითვლებოდა.

2015 წლის 1 იანვარს ქალაქ ფლორენციის პროვინცია სკანდიჩთან ახლოს ერთ-ერთ სოფელში, ხუთი მეტრი სიღრმის ჭაში ქალის გვამი იპოვეს. ვიზუალურად მისი ამოცნობა ვერ მოხერხდა, ამიტომ პოლიციამ სქესისა და სავარაუდო ასაკის მიხედვით, რეგიონში ბოლო პერიოდში გაუჩინარებულ პირთა სიაში დაიწყო ძებნა და საბოლოოდ, გამოძიება ლალი ნამჩევაძეზე შეჩერდა.

გავრცელებული ინფორმაციით ვინაობის საბოლოოდ დაზუსტებისთვის 3 იანვარს დნმ-ის ანალიზიც გაკეთდა, ამასთანავე ქალის პირადი ნივთები შვილმა ამოიცნო.

ახლობლების განცხადებით 51 წლის ქალს გაუჩინარებამდე მძიმე ფსიქოლოგიური პრობლემები ჰქონდა და საქართველოში სურდა დაბრუნება.

საქართველოს საგარეო უწყება ადასტურებს ინფორმაციას იტალიაში საქართველოს მოქალაქის ცხედარის აღმოჩენასთან დაკავშირებით, თუმცა ვინაობის და დეტალების დაკონკრეტება ჯერ-ჯერობით არ ხდება.