განათლებისა და მეცნიერების მინისტრი თამარ სანიკიძე სამტრედიაში მეოთხე კლასელი ბავშვის ცემის ფაქტს გამოეხმაურა. მინისტრის განცხადებით, მიუხედავად იმისა რომ ინციდენტი სასკოლო პერიოდში არ მომხდარა, საქმეში დისციპლინური კომისია მაინც ჩაერევა.

„მეოთხეკლასელმა ბავშვებმა სამწუხაროდ, ძაღლის ლეკვის გამო იჩხუბეს საკუთარ უბანში, თუმცა მიუხედავად იმისა, რომ ეს არ მომხდარა სკოლის ტერიტორიაზე და საგაკვეთილო საათის დროს, ვფიქრობ, მაინც ჩავერევით დისციპლინური კომისიის სახით და ვეცდებით, რაღაცნაირად ეს ძალადობა დავგმოთ. აქ ჩვენი პასუხისმგებლობა არ იკვეთება, თუმცა მაინც ჩავერევით, რათა მომავალში მსგავსი ქმედებები მინიმუმამდე იყოს დასული. ინციდენტში მონაწილე ბავშების ჯანმრთელობას საფრთხე არ ემუქრება. ერთ-ერთი ბავშვი, იმის გამო, რომ ჯანმრთელობასთან დაკავშირებული პრობლემები ჰქონდა, მაინც შემოწმდა და საბედნიეროდ, დადგენიდა, რომ არავითარი საფრთხე არ არსებობს“, - განაცხადა სანიკიძემ.