მესტიაში სასწრაფო სამედიცინო დახმარების ავტომობილს ცეცხლი გაუჩნდა. როგორც „ნიუპოსტის“ ადგილობრივი კორესპონდენტი იუწყება, შემთხვევა გუშინ მოხდა. ასევე ცნობილია, რომ ინციდენტის დროს სასწრაფო დახმარების ბრიგადა გამოძახებაზე მიდიოდა, რა დროსაც ავტომობილის აალება მოხდა.

შემთხვევის შედეგად არავინ დაზარალებულა, თუმცა, სამედიცინო სამსახურის თანამშრომლებმა ვერ შეძლეს ავადმყოფისთვის დროული სამედიცინო დახმარების აღმოჩენა.

როგორც სამედიცინო სამსახურის თანამშრომლები აცხადებენ, მათ განკარგულებაში მხოლოდ ორი ავტომობილია, რის გამოც ვერ ხერხდება მოქალაქეებისთვის დროული მომსახურების გაწევა, შემთხვევის შედეგად მესტიის სამედიცინო სამსახურს მხოლოდ ერთი ავტომობილი დარჩა, რომლის მდგომარეობაც საკმაოდ ცუდია.

გთავაზობთ დამწვარი ავტომობილის ამსახველ ფოტომასალას.