გორში, კომბინატის დასახლებაში, მშვიდობის გამზირზე მაღაზიის გაქურდვის ფაქტზე შსს-მ ცხელ კვალზე ორი მამაკაცი დააკავა.

ამის შესახებ „ნიუპოსტს“ შსს პრესსამსახურში განუცხადეს.

მათი ინფორმაციით, ნივთმტკიცებად ამოღებულია ნაქურდალი ნივთები და თანხის ნაწილი. სასურსათო მაღაზია მეპატრონეს, გუშინ დილით, დახვდა გაქურდული.

როგორც „ნიუპოსტის“ კორესპოდენტს ადგილზე განუცხადეს, მაღაზიიდან წაღებული იყო, ალკოჰოლური სასმელები, სიგარეტები და ფული.

გიორგი ახალკაცი „ნიუპოსტი“ შიდა ქართლი.