,,ნიუპოსტის“ ინფორმაცით, თურქეთიდან მომავალი სამგზავრო ავტობუსი მსუბუქ ავტომანქანას დაეჯახა, რის შემდეგაც მძღოლმა საჭე ვერ დაიმორჩილა და ავტობუსი გადაყირავდა. ავტობუსის მგზავრები მსუბუქი დაზიანებებით სხვა ავტობუსით გადაიყვანეს დანიშნულების ადგილამდე, ხოლო მსუბუქ ავტომანქანაში მჯდომი ორი პიროვნება მძიმე მდგომარეობაში ურეკის კატასტროფის ცენტრში არიან მოთავსებული. მძღოლი, რომელიც თურქეთის მოქალაქეა, მიმალვას ცდილობდა, თუმცა როგორც ,,ნიუპოსტს" შს სამინისტროს პრესსამსახურში განუცხადეს, მძღოლი დაკავებულია და მიმდინარეობს გამოძიება, საქმე აღძრულია 276-ე მუხლის პირველი ნაწილით.