თბილისში, იოსებიძის ქუჩაზე დაუდგენელმა პირებმა სააკიანების ოჯახი დააყაჩაღეს. შემთხვევის დროს სახლში 20 წლის გოგონა იმყოფებოდა. არსებული ინფორმაციით, თავდამსხმებელმა გოგონა დააბეს, შემდეგ კი აწამეს.

ინფორმაციას მეზობლებიც ადასტურებენ. მათი თქმით, ყაჩაღობის შემდეგ ბოროტმოქმედებმა სახლში ბუნებრივი აირი გაუშვეს. გოგონას გადარჩენა სახლში მისულმა მშობლებმა შეძლეს. ამ დროისთვის უცნობია თუ რისი წაღება მოახერხეს ბოროტმოქმედებმა.

"ნიუპოსტი" აღნიშნულთან დაკავშირებით შინაგან საქმეთა სამინისტროს დაუკავშირდა, სადაც ყაჩაღობის ფაქტი არ დაადასტურეს. მათი ინფორმაციით, ადგილი ჰქონდა ძარცვას. უწყებაში არც გოგონას წამების ფაქტს ადასტურებენ. მომხდართან დაკავშირებით გამოძიება 178-ე, ძარცვის მუხლით მიმდინარეობს.