ვაჟა-ფშაველას გამზირზე ყაჩაღობა მოხდა. სამმა ბოროტმოქმედმა მეხუთე კვარტალში მცხოვრები ერთერთი ოჯახი დააყაჩაღა. მეზობლების ინფორმაციით, მძარცველებმა ოჯახის წევრებს კარი მოტყუებით გააღებინეს, შემდეგ კი თავს დაესხნენ.

თვითმხილველების განცხადებით, ინციდენტის დროს ერთი ადამიანი დაშავდა, მას დაზიანებები თავის არეში აღენიშნება. ადგილზე პოლიციის ეკიპაჟები მუშაობდნენ, ამ დრომდე უცნობია მოახერხეს თუ არა ეჭვმიტანილებმა რაიმეს წაღება.