საბურთალოზე, ი.ხვიჩიას #17 ნომერში, 4 სართულიან კორპუსს მანსარდს აშენებდნენ, რის შედეგადაც სადარბაზოს ჭერი ჩამოინგრა. როგორც "ნიუპოსტისთვის" გახდა ცნობილი, ინციდენტის შედეგად ერთი მუშა დაშავდა, მას ფეხი აქვს ნატკენი.

"ნიუპოსტის" წყაროს ინფორმაციით, სახურავიდან ნაშალი მასალა სადარბაზოში პირველ სართულამდე ჩამოწვა. თვითმხილველის თქმით, სადარბაზოს სახურავი საერთოდ აღარ აქვს.

ამ წუთებში სადარბაზოში მიმოსვლა პარალიზებულია. ხვიჩიას #17 ნომრის მაცხოვრებლები სხლიდან გამოსვლას ვერ ახერხებენ. ტერიტორია სამაშველო სამსახურის დახმარებით ნანგრევიბისგან იწმინდება.

ადგილზე მობილიზებულია საპატრულო და სასწრაფო დახმარების მანქანები. დამატებით დეტალებს „ნიუპოსტი“ შსს-ში არკვევს, რის შემდეგაც უახლოეს ინფორმაციას მოგაწვდით.