ქუთაისში სამართალდამცველებმა დევნის ოპერაციის დროს 22 წლის მამაკაცი დაჭრეს.

არსებული ინფორმაციით, ახალგაზრდა მამაკაცი ავტომობილს მართვის მოწმობის გარეშე მართავდა, რის გამოც პოლიციელებმა მისი შეჩერება სცადეს. როგორც ცნობილია, მძღოლი მათ არ დაემორჩილა, რის შემდეგაც პოლიციელებმა სროლა განახორციელეს.

შემთხვევის დროს მამაკაცი თავის არეში დაიჭრა. ამ დროისთვის ის საავადმყოფოშია გადაყვანილი. როგორც „ნიუპოსტს“ შსს-ში განუცხადეს, აღნიშნულ ფაქტზე გამოძიებას დასავლეთ საქართველოს საოლქო პროკურატურის საგამოძიებო ნაწილი აწარმოებს. საქმე აღძრულია 333 -ე მუხლის 3 ნაწილის ბ ქვეპუნქტით , რაც უფლებამოსილების გადამეტებას გულისხმობს იარაღის გამოყენებით.