ყვარელში 55 წლის მამაკაცს აფთიაქში წამალი (ლაზიქსი) ურეცეპტოდ არ მისცეს, ექიმთან მისვლა კი ვერ მოასწრო და დაახლოებით ნახევარ საათში გულის შეტევით გარდაიცვალა. ამის შესახებ ინფორმაციას „კახეთის საინფორმაციო ცენტრი“ ავრცელებს.

„ჩემმა ბიჭმა აიყვანა აფთიაქში და არ მისცეს წამალი. წადი, ექიმი მოიყვანეო. ექიმი ვერ ნახა. ისევ მივიდა აფთიაქში. ისევ უარი უთხრეს. სახლში მივიდა, გადავარდა და დაიღუპა“, –განუცხადა გარდაცვლილის ახლობელმა ტელეკომპანია „გურჯაანს“.

„წამალი რომ მიეცათ, შეიძლება დღეს ცოცხალი ყოფილიყო“, - უთხრა ტელეკომპანია „გურჯაანს“ გარდაცვლილის ნათესავმა.

„მის შვილს ვკითხე როგორ დაიღუპა მეთქი. აფთიაქში ავიდა და არ მისცეს წამალი, ექიმთან ჩავიდა, ვერ ნახა ექიმი, მერე ისევ აფთიაქში ამოვიდა, ისევ უარი უთხრეს და დაიღუპაო“, – აღნიშნავს გარდაცვლილის მეზობელი.

ვრცლად იხილეთ ბმულზე