თბილისში მომხდარ ტრაგიკულ შემთხვევას ახალგაზრდა მამაკაცის სიცოცხლე ემსხვერპლა. როგორც „ნიუპოსტს“ ადგილობრივმა მაცხოვრებელმა აცნობა, შემთხვევა გუშინ გვიან ღამით შარტავას ქუჩაზე მოხდა. 23 წლის ბ.კ. ქორწილიდან დაბრუნდა, როდესაც აღმოაჩინა, რომ სახლის გასაღები თან არ ჰქონდა.

მან საკუთარ საცხოვრებელ ბინაში შესვლა ე.წ. „სუშილკიდან“ სცადა, თუმცა წონასწორობა ვერ შეინარჩუნა და მეხუთე სართულიდან გადმოვარდა. არსებული ინფორმაციით, ახალგაზრდა მამაკაცი ნასვმ მდგომარეობაში იმყოფებოდა. შემთხვევის შედეგად ის ადგილზე გარდაიცვალა.

როგორც „ნიუპოსტს“ შინაგან საქმეთა სამინისტროში განუცხადეს მომხდართან დაკავშირებით გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.