ლიტვაში ქართველმა და ვიეტნამელმა არალეგალებმა იჩხუბეს, კონფლიქტი პაბრადის სარეგისტრაციო ცენტრში მოხდა, სადაც ლიტვაში არალეგალურად ჩასული ის ადამიანები ცხოვრობენ, რომლებიც ქვეყანას თავშესაფარს სთხოვენ.

როგორც ლიტვური მედია იუწყება, ჩხუბი ღამის ორ საათზე სიგარეტის გამო დაიწყო, საქართველოს მოქალაქემ ვიეტნამელს სიგარეტი მოსთხოვა.

ინციდენტში დაახლოებით 50 ვიეტნამელი და ქართველი მონაწილეობდა.

სამართალდამცავებს ჩხუბის განეიტრალებისთვის ძაღლების და ცრემლსადენი გაზის გამოყენება მოუწიათ.

ჩხუბის შედეგად საქართველოს 26 წლის მოქალაქე დაშავდა, რომელსაც სასწრაფო დახმარების ექიმებმა დახმარება ადგილზევე გაუწიეს.

ლიტვის არალეგალთა რეგისტრაციის ცენტრში ამჟამად 185 უცხოელი ცხოვრობს, რომლებიც ლიტვაში არალეგალურად მოხვდნენ და თავშესაფარის მოლოდინში არიან, მათ შორის ყველაზე მეტი ვიეტნამის მოქალაქეა - 112, ასევე ცენტრში ცხოვრობს 25 რუსი და 21 ქართველი.


წყარო delfi.lt