გარდაცვალებამდე 6 წუთით ადრე გადაღებული ფოტო - ბაკურიანის ტრაგედიის საეჭვო დეტალები

შემთხვევა - 16:37, 14 Sep, 2014

40021

,,ანი ელიაშვილის გულშემატკივართა არმიაში სავარაუდოდ ფიზიკოსებიც არიან, ელექტრიკოსებიც და საცურაო აუზის კონსტრუქტორებიც.

ანის დედა მოგმართავთ თხოვნით, გამარკვიოთ წყალში ელექტრული დენის მოქმედების თავისებურებაში“, - ამ შინაარსის პოსტი ,,ფეისბუქზე“ ბაკურიანში ტრაგიკულად გარდაცვლილი ანი ელიაშვილის დედამ დაწერა.

შემთხვევა ბაკურიანში 28 აგვისტოს, სასტუმრო "ვილა პარკის" საცურაო აუზში მოხდა, ანი ელიაშვილი ბაკურიანში სამ შვილთან, ძმასთან და ოჯახთან ერთად ისვენებდა. ანი ელიაშვილი იმ დროს გარდაიცვალა, როცა ის აუზში შვილთან და ძმისშვილთან ერთად ცურავდა. გარდაცვლილის ძმა ბაჩო ელიაშვილი ირწმუნება, რომ მიზეზი დენის დარტყმა იყო, რადგან აუზში ყოფნის დროს, ცუდად გახდა მცირეწლოვანი ბავშვიც, თუმცა მისი ამოყვანა მოასწრეს. თავად ანიც ძმამ ამოიყვანა, თუმცა მისი გადარჩენა ვეღარ მოხერხდა. როგორც ,,ნიუპოსტს“ ადგილობრივებმა განუცხადეს, ადგილზე მისული სამართალდამცავები ოჯახს უმტკიცებდნენ, რომ მიზეზი შესაძლოა სოკოთი მოწამვლა ჰყოფილიყო, მაშინ როცა ოჯახს სოკო არ ჰქონდა ნაჭამი. გავრცელებული ვერსიით, ანი გულის შეტევით გარდაიცვლა, თუმცა ვერსიას ეჭქვეშ აუზში მცირეწლოვანი ბავშვის ასევე ცუდად გახდომის ფაქტი აყენებს. ოჯახი სამართლიანი გამოძიების მოლოდინშია.