ძლიერი წვიმის გამო ქიმიის ინსტიტუტის ყოფილი შენობა დაზიანდა, ამჟამად შენობაში დევნილები ცხოვრობენ, გვიან ღამით ტერიტორიაზე სამინისტროს წარმომადგელებიც იმყოფებოდნენ, მათ დევნილებს პირობა მისცეს, რომ დაზიანებული შენობა უახლოეს ხანში აღდგება.

ჯიქიას 5 ნომერში, ძლიერი წვიმის გამო ჩამოინგრა ჭერიც, შენობაში შევიდა წყალი, პირველი და მეორე სართული თითქმის მთლინად არის დაზიანეული. დევნილების ნაწილმა წუხანდელი ღამე სახლში ვერ გაათენა.

სტიქიის გამო, დაშავდა 4 წლის ბავშვიც, რომელიც ამჟამად იაშვილის კლინიკაში იმყოფება.

ამ დროისთვის მისი ჯანმრთლობის მდგომარეობა სტაბილურია. მცირეწლოვანი ბავშვი დევნილთა მინისტრმა სოზარ სუბარმა კლინიკაში მოინახულა.