ქვეყნის აღმოსავლეთით გადაუღებელი წვიმის გამო კალაპოტიდან გადმოსულმა მდინარემ სამგზავრო ავტობუსი გაიტაცა, რომელშიც საქორწინო ცერემონიალის მონაწილეები, მათ შორის ახალდაქორწინებულები იმყოფებოდნენ.

სამძებრო-სამაშველო სამუშაოები ახლაც მიმდინარეობს. ადგილობრივი მედიის ცნობით, ეს წყალდიდობა აღნიშნულ რეგიონში ბოლო 22 წლის განმავლობაში ყველაზე ძლიერია, რის გამოც მოსახლების ნაწილი ევაკუირებულია.

პოლიციის ცნობით, ავტობუსში 50 ადამიანი იმყოფებოდა, მათგან საკუთარი თავის გადარჩენა მხოლოდ სამმა შეძლო. სამაშველო ოპერაციაში, შესაბამისი სამსახურების გარდა, სამხედროებიც მონაწილეობენ, თუმცა მდგომარეობას ცუდი მეტეოროლოგიური პირობები ართულებს.