ზაზა ფაჩულია და თორნიკე შენგელია ერთმანეთს დაუპირისპირდნენ

ზაზა ფაჩულია და თორნიკე შენგელია ერთმანეთს დაუპირისპირდნენ - 102:90

სპორტი - 15:21, 05 Apr, 2014

7815

ჩიკაგოში ერთმანეთს მეგობრები და საქართელოს ეროვნულ ნაკრებში თანაგუნდელები - ზაზა ფაჩულია და თორნიკე შენგელია შეხვდნენ.

30 წლის ფაჩულიას ორმაგ დუბლამდე 1 მოხსნა დააკლდა, 22 წლის შენგელია კი მწვრთნელმა მხოლოდ 22 წამი ათამაშა. ზაზა და თორნიკე ერთმანეთს მოედანზეც შეხვდნენ და მატჩის ბოლოს ერთმანეთს გულიანად გადაეხვივნენ.

"ჩიკაგომ", რომელიც პლეი ოფში გასულია და კონფერენციაში მე-3 ადგილის დასაკავებლად იბრძვის, აუტსაიდერ "მილუოკისთან" დაგეგმილი გამარჯვება მოიპოვა - 102:90. მასპინძლებმა ლიდერობა თავიდანვე მოიპოვეს და გამარჯვებამდე ისე მივიდნენ, მეტოქე 8 ქულაზე ახლოს არ მიუშვიათ.

ფაჩულიამ სასტარტო ხუთულში ითამაშა და როგორც ჩანს, სეზონის ბოლომდე მას ამ ადგილს ვერავინ შეეცილება. მან შედეგიანად ითამაშა და იმ 40 წუთში, რაც მოედანზე იყო, 13 ქულა, 9 მოხსნა, 3 პასი და 1 დაფარება მოაგროვა. ქართველმა ცენტრმა 10-დან 5 ორქულიანი და 4-დან 3 საჯარიმო ჩააგდო.

შენგელიამ მატჩის უკანასკნელი 22 წამი ითამაშა. ქართველმა ფორვარდმა ამ დროში 1 ჩაჭრის მითვლა მოასწრო. მან ბურთი კრის მიდლტონს ჩაუჭრა.

ამ გამარჯვების შემდეგ "ჩიკაგო" აღმოსავლეთ კონფერენციაში კვლავ იყოფს მე-3 ადგილს "ტორონტოსთან", რომელმაც ლიდერი "ინდიანა" დაამარცხა.

რაც შეეხება "მილუოკის", კლუბმა ისტორიის უცუდესი შედეგი გაიმეორა სეზონში 62-ე წაგებით.

წყარო: www.gpf.ge