"ელ კლასიკო" - ულამაზესი საფეხბურთო სანახაობა

სპორტი - 15:37, 24 Mar, 2014

5294

დიდი ხანია, ფეხბურთის გულშემატკივრებს ასეთი "ელ კლასიკო" არ უნახავს - უხვგოლიანი მატჩი, 3 პენალტი, მოედნიდან გაძევება, - ამ მატჩში ყველაფერი იყო, რაც ფეხბურთს სანახაობად და სპექტაკლად აქცევს.

მატჩის დასაწყისში კატალონიელებმა სწრაფი გოლის გატანა მოახერხეს - ლიონელ მესიმ ანდრეს ინიესტას გადააწოდა და მისი ძლიერი დარტყმის შედეგად ანგარიშ გაიხსნა.

საპასუხოდ |"რეალმაც“ შეუტია, რასაც შედეგი მე-20 წუთზე მოიტანა - კარიმ ბენზემამ ჯერ გაათანაბრა ანგარიში, ხოლო შემდეგ დუბლიც შესარულა და "რეალი" წინ გაიყვანა - 2:1.

კატალონიელებმა ,აიმც შესძლეს და ანგარიში პირველ ტაიმში გაათანაბრეს - მეტოქის საჯარიმოში მყოფმა მესიმ მადრიდელთა კარი დალაშქრა და გუნდები გასახდელში საყაიმო ანგარიშით გაიყვანა.

„ელ კლასიკოს“ მეორე ტაიმი ერთგვარ „პენალტების სერიად“ იქცა.

55-ე წუთზე, მთავარმა არბიტრმა „ბარსელონას“ კარში საკამათო თერთმეტმეტრიანი დანიშნა, რომელიც რონალდომ გამოიყენა 3-2.

65-ე წუთზე, მადრიდელთა საჯარიმოში, სერხიო რამოსმა ბრაზილიელი ნეიმარი თამაშის წესების დარღვევით შეაჩერა, რასაც პენალტი და რამოსის გაძევება მოჰყვა, რაც ასევე საკამათო გახდა, თუმცა, მესიმ 11 მეტრიდან ზუსტად დაარტყა და ანგარიში კვლავ გათანაბრდა.

რიცხობრივი უპირატესობის გამოყენება "ბარსამ" 84-ე წუთზე და კვლავ პენალტის მეშვეობით მოახერხა - პენალტი უკვე ანდრეს ინიესტას წაქცევისთვის დაინიშნა. ბურთთან კვლავ მესი მივიდა და ჰეთ-თრიქი გაიფორმა. აღსანიშნავია, რომ არგენტინელმა „ელ კლასიკოში“ ჰეთ-თრიქის შესრულება მეორედ მოახერხა.

კაცნაკლულმა მადრიდელებმა მატჩში გარდატეხის შეტანა ვეღარ შეძლეს და „სეზონის მატჩი“ 3:4 დათმეს.

თამაშის შემდეგ გუნდების ლიდერებმა კომენტარები გააკეთეს.

რონალდუ: "თავის გასამართლებელ მიზეზებს არ ვეძებ, მაგრამ ფაქტია, მსაჯი არაობიექტურად მოქმედებდა. “ბარსას” რომ წაეგო, საჩემპიონო რბოლას გამოეთიშებოდა. აქ უკვე 5 წელია ვარ და ვიცი, რა როგორაა მოწყობილი. არასდროს მინახავს, მსაჯები “რეალს” დახმარებოდნენ. მიუხედავად ყველაფრისა, მჯერა, ჩემპიონატს მოვიგებთ”

მესი: "ჩემი რეკორდები? მთავარია, “ელ კლასიკო” მოვიგეთ, მაგრამ უნდა ვაღიარო, ინდივიდუალური მიღწევებით კმაყოფილი ვარ. “სანტიაგო ბერნაბეუს” ბრწყინვალე სტადიონზე გუნდის თამაშია გამოსარჩევი და არა მხოლოდ ჩემი”,.