უკრაინის მოვლენებიდან გამომდინარე, რა ბერკეტები შეიძლება აამოქმედოს დასავლეთმა რუსეთის წინააღმდეგ. აშშ-ს სახელმწიფო მდივანმა განაცხადა, რომ ,,ყველა ვარიანტი მაგიდაზეა“, როგორც პოტენციური საომარი მოქმედებები, ასევე ეკონომიკური სანქციებიც. სახელმწიფო მდივნმა ხაზი გაუსვა იმ ფაქტს, რომ უახლოეს მომავალში ფიზიკური და იურიდიული პირების მიმართ ეკონომიკური სანქციები დაწესდება.

,,ნიუპოსტი“ შეფასებისთვის ,,რეფორმატორთა კლუბის“ დამფუძნებელს დიმიტრი შაშკინს დაუკავშირდა. სატელეფონო საუბარში შაშკინი ხაზს უსვამს, რომ ძალიან მნიშვნელოვანი იქნება ხვალინდელი დღე. მისი თქმით, დიდი ალბათობით სერიოზული პრბლემები შეექმნება რუსულ საფონდო ბირჟას და რუსულ რუბლს.

შაშკინის თქმით, არსებობს დავალება, რომლის მიხედვითაც დასავლეთის ბანკები რუსული წარმოშობის ფულის შემოწმებას იწყებენ.

,,ძალიან საინტერესო და მნიშვნელოვანი იქნება ხვალინდელი დღე, რომელიც ბევრ შეკითხვაზე გასცემს პასუხს. დიდ ალბათობით ხვალ დიდი პრობლემები შეექმნება რუსეთის საფონდო ბირჟას და რუსულ რუბლს. მას შემდეგ, რაც უკრაინაში რუსული ინტერვენცია გამცოხადდა და ჯარები გააგზავნა, საფონდო ბირჟა არ მუშაობდა. ხვალ იწყებს მუშაობას და ამ ფონზე ძალიან მნიშვნელოვანი იქნება საფონდო ბირჟის მაჩვენებლები და ის, თუ რამდენად შეძლებს რუსეთი რუბლის დაჭერას. ამ ფონზე გამოჩნდება, რამდენად სერიოზული იყო მესიჯები, რომელიც მოდის დასავლეთიდან.

რუსეთი ამზადებს ძალიან დიდ ფულს იმისთვის, რომ სტაბილურობა დაიჭიროს, მაგრამ თვითონ მერყეობის მარჟა უკვე ნათელი სიგნალი იქნება იმისა, რამდენად გაუძლებს რუსეთი პირველ ეტაპზე ეკონომიკურად თავისი ასეთი სულელური ნაბიჯების გადადგმას.

ასევე გეტყვით, რომ გაცემულია დავალება და დასავლეთის ბანკებში მიმდინარეობს რუსული წარმოშობის ფულის შესწავლა. სწორედ ამ ფონზე რამდენად შეძლებს რუსული ბირჟა შენარჩუნებას, ეს იქნება ძალიან საინტერესო“, - აცხადებს დიმიტრი შაშკინი.