იტალიის ფეხბურთის ნაკრების თავდამსხმელი მარიო ბალოტელი ისევ სკანდალში გაეხვია. ფეხბურთელს გენუასთან ერთ-ერთ ღამის კლუბში ფოტოგრაფზე თავდასხმაში სდებენ ბრალს.

როგორც გაზეთი Corriere dello Sport წერს, მარიო თავის ძმასთან და მეგობარ გოგონასთან ერთად რესტორანში ვახშმობდა, სადაც პაპარაცებმა მიაკვლიეს. ფეხბურთელმა მეგობრებთან ერთად მომაბეზრებელი ფოტოგრაფებისაგან თავის დაღწევა შეძლო, მაგრამ მოგვიანებით, ღამის კლუბში ფორვარდი ერთ-ერთ ფოტოგრაფს ისევ შეეჩეხა. დაპირისპირება სიტყვიერ შეურაცხყოფაში გადაიზარდა, ხოლო მოგვინებით, ფოტოგრაფის თქმით, ბალოტელიმ რამდენიმე წიხლი უთავაზა. „როსონერის“ თავდამსხმელი ცემის ფაქტს კატეგორიულად უარჰყოფს.