2016 წლის ევროპის ჩემპიონატის კენჭისყრის შედეგებზე ისაუბრა საქართველოს ეროვნული საფეხბურთო ნაკრების მწვრთნელმა თემურ ქეცბაიამ საზოგადოებრივი მაუწყებლის ეთერში.
მისი თქმით, გუნდი ეცდება იბრძოლოს მესამე ადგილისთვის.
''ფავორიტი არის გერმანიის ნაკრები. რაც შეეხება დანარჩენ გუნდებს, შოტლანდია, პოლონეთი და ირლანდია ყოველთვის იბრძვიან იმისათვის, რომ გავიდნენ ფინალურ ეტაპზე. ადვილი თამაშები არ იქნება, მაგრამ ჩვენ ვეცდებით ყველანაირად ვიბრძოლოთ მესამე ადგილისთვის. სასურველია პირველი ორი თამაში შოტლანდიასთან, ირლანდიასთან ან პოლონეთთან ვითამაშოთ თბილისში'' - განაცხადა ქეცბაიამ.
საქართველოს ნაკრები „ევრო–2016“–ის შესარჩევ ტურში D ჯგუფში იასპარეზებს.
ცნობილია საქართველოს ნაკრების მეტოქე გუნდებიც -გერმანია, გიბრალტარი, შოტლანდია, პოლონეთი, ირლანდია.
ცნობილი გახდა საქართველოს ნაკრების კალენდარი ევრო 2016-ის საკვალიფიკაციო ეტაპზე. ჩვენი ნაკრები პირველ შეხვედრას თბილისში 7 სექტემბერს ირლანდიის ნაკრების წინააღმდეგ გამართავს. ბოლო ტურს კი, 2015 წლის 11 ოქტომბერს გერმანიაში ვითამაშებთ.
საქართველო – ირლანდია 07.09.2014
შოტლანდია – საქართველო 11.10.2014
გიბრალტარი – საქართველო 14.10.2014
საქართველო – პოლონეთი 14.11.2014
საქართველო – გერმანია 29.03.2015
პოლონეთი – საქართველო 13.06.2015
საქართველო – შოტლანდია 04.09.2015
ირლანდია – საქართველო 07.09.2015
საქართველო – გიბრალტარი 08.10.2015
გერმანია – საქართველო 11.10.2015
მასალის გამოყენების პირობები






