ნიკა მელიას საქმის პროკურორმა ამირან გულუაშვილმა პროცესის დაწყებამდე ჟურნალისტებთან გაკეთა კომენტარი და აღნიშნა, რომ პროკურატურის თვითმიზანი მელიას პატიმრობა არ ყოფილა და ენმ-ს ლიდერი მხოლოდ გარკვეული რისკების აღმოსაფხვრელად დააკავეს:

"საქართველოს პროკურატურამ შეასრულა პირობა, ჯერ კიდევ 25 თებერავალს საჯაროდ შევთავაზეთ დაცვის მხარეს, რომ თუ მათი მხრიდან მოხდებოდა გირაოს პირობების შესრულება, ბრალდების მხარე გამოთქვამდა მზადყოფნას, მიემართა სასამართლოსთვის ნიკა მელიასთავის აღკვეთის ღონისძიება უფრო მსუბუქი ფორმით, გირაოთი, შეცვლილიყო.

8 მაისს ,,საია"-ს საშუალებით ნიკა მელიას სასარგებლოდ აღსრულების ეროვნული ბიუროს ანგარიშზე გუშინ 40 ათასი ლარის ოდენობის განთავსება მოხდა და მივმართეთ სასამართლოს შუამდგომლობით, ნიკა მელიას პატიმრობის შეცვლა გირაოთი, კერძოდ, გირაო 40 ათასი ლარის ოდენობით ფიგურირებს ჩვენს შუამდგომლობაში.

მელიას პატიმრობა პროკურატურის თვითმიზანი არ ყოფილა. ის გარემოება, რომ იმყოფება პატიმრობაში, იმით იყო განპირობებული, რომ მის მიმართ არსებობდა გარკვეული რისკები. ამ რისკების აღმიოსაფხვრელად აუცილებელი იყო პატიმრობის ღონისძიების გამოყენება" - განაცხადა გულუაშვილმა.

რამდენიმე წუთში მოსამართლე ჩახნაშვილი გირაოს სანაცვლოდ მელიას გათავისუფლების შუამდგომლობას დააკმაყოფილებს. საქალაქო სასამართლოსთან და რუსთავის ციხესთან მელიას მხარდამჭერები არიან შეკრებილი და სასამართლოს გადაწყვეტილებას ელოდებიან.