​ყოფილ მაღალჩინოსანზე თავდასხმა სცადეს - შინაგან საქმეთა ყოფილ მინისტრსა და "მხედრიონის" ხელმძღვანელს თეიმურაზ ხაჩიშვილს უცნობმა პირებმა მეგობრის ოფისში ყოფნის დროს მიაკითხეს.

როგორც ხაჩიშვილის ადვოკატმა განაცხადა, მისი დაცვის ქვეშ ყოფმა თავდამსხმელებს შორის ყოფილი "მხედრიონელის" ზაზა ვეფხვაძის შვილი ამოიცნო:

"10-12 უცნობი ადამიანი ოფისში მოვიდნენ. დააკაკუნა ერთმა, იკითხა თემური შენ ხარ თუ არაო და შეჭრა დააპირეს. არ შეუშვეს ესენი, ჩაკეტეს კარი, დაახლოებით 15 წუთის განმავლობაში შესვლის და შეჭრის მცდელობა იყო.

90-იან წლებში გარდაცვლილი ერთ-ერთი მხედრიონის ვეფხვაძის შვილი იყო. უნდა გაარკვიოს გამოძიებამ, რა მიზნით იყო ეს ხალხი მისული, რა იყო მოტივი, ვისი დავალებით მოქმედებდნენ, ამაზე უნდა გასცეს გამოძიებამ პასუხი. წინააღმდეგ შემთხვევაში, ვბრუნდებით 90-იან წლებში", - განაცხადა დიმიტრი მჭედლიშვილმა.