ბავშვებს იატაკზე სძინავთ, ერთი კვირაა ღამეს არაადამიანურ პირობებში ვათევთ - საზღვარზე ჩარჩენილი ბადოიანების ოჯახი დახმარებას ითხოვს

პოლიტიკა - 15:01, 18 Apr, 2021

1457

ბადოიანების ოჯახი საქართველო-რუსეთის საზღვრის ნეიტრალურ ტერიტორიაზე არიან ჩარჩენილები და შველას ითხოვენ. ვადაგასული პასპორტების გამო მესაზღვრეები მათ საქართველოს ტერიტორიაზე არ უშვებენ.

გამომგზავრებამდე შსს-მ ოჯახს უთხრა, რომ თუ ბავშებს დაბადების მოწმობები ექნებოდათ, ქვეყანაში უპრობლემოდ შემოვიდოდნენ, თუმცა ახლა სხვა რეალობის წინაშე აღმოჩნდნენ.

ოჯახი საკვების გარეშეა დარჩენილი და ღამეებს არაადამიანურ პირობებში ათევენ. კარინა ბადოიანის თქმით, ის და მისი არასრულწლოვანი შვილები 12 საათია მშივრები არიან და საკვებს მხოლოდ ის ადამიანები უნაწილებენ, რომლებიც საზღვარს კვეთავენ და მათ მძიმე მდგომარეობაში ხედავენ:

"დასუფთავების თანამშრომელმა მოგვიტანა გადასაფარებელი, ბავშვებს იატაკზე სძინავთ, 12 სათია მშივრები ვართ, წუხელ ერთმა ღვთისნიერმა ადამიანმა გვაჭამა საჭმელი. აქ არავინ ზედ არ გვიყურებს და ადამიანებად არ გვთვლის, ერთი კვირაა ღემეს არაადამიანურ პირობებში ვათევთ. ძალიან გთხოვთ, გვიშველეთ, არაფრის ფასად უკან არ დავბრუნდები. საცოხვრებელი სახლი არ მაქვს, სად უნდა დავბრუნდე" - განაცხადა კარინა ბადოიანმა.

ბადიოანები სომხეთის მოქალაქეები არიან და ისინი საქართველოში რუსეთის გავლით აპირებდნენ შემოსვლას. მესაზღვრეები მათ სომხეთში დაბრუნებას აიძულებენ, თუმცა იქ არც სომეხი მესაზღვრეები იღებენ.