გელათში აღმოჩენილ ისტორიულ არტეფაქტებს განადგურება ემუქრება. როგორც ქუთაისის საკრებოულოს წევრი ნაციონალური მოძრაობიდან გიგა შუშანია აცხადებს, იმის ნაცვლად, რომ აღმოჩენილი არტეფაქტები მუზეუმში გადაეტანათ, ბრეზენტი დააფარეს და დამარხეს.

შუშანიას თქმით, კულტურის მინისტრი თეა წულუკიანი ქუთაისში იმყოფებოდა, თუმცა გელათში არ მისულა და ვითარებას ადგილზე არ გაცნობია. მისივე განმარტებით, ხელისუფლება არ უფრხილდება ისტორიულ არტეფაქტებს და მიზეზად თანხის არარსებობას ასახელებს.